Бізнес-навіны
Беларуска-кітайскі бізнес-форум пройдзе сёння ў Мінску
11 мая, Мінск /Кар. БЕЛТА/. У Мінску ў гасцініцы "Пекін" сёння адбудзецца Беларуска-кітайскі міжрэгіянальны бізнес-форум пад лозунгам "Акумуляваць сілы, актывізаваць супрацоўніцтва". Удзел у мерапрыемстве плануюць прыняць Прэзідэнт Беларусі Аляксандр Лукашэнка і Старшыня КНР Сі Цзіньпін, паведамілі БЕЛТА ў прэс-службе кіраўніка беларускай дзяржавы.
Як расказалі БЕЛТА ў Мінэканомікі Беларусі, ад кітайскага боку ў форуме таксама ўдзельнічаюць намеснікі кіраўнікоў правінцый Хэйлунцзян, Чжэцзян, Хубэй, Гуандун, Сычуань, Ганьсу, Цзяньсу, гарадоў Пекін, Харбін; ад беларускага - кіраўнікі шэрага міністэрстваў і ведамстваў, усіх аблвыканкамаў і Мінскага гарвыканкама. Акрамя таго, з абодвух бакоў у рабоце форуму прымаюць удзел топ-менеджары шэрага буйных прадпрыемстваў і іншыя прадстаўнікі ўлады і бізнесу. Усяго на форуме сабраліся 450 чалавек, з іх 300 - з КНР.
Арганізатарамі форуму з'яўляюцца Міністэрства камерцыі КНР, Міністэрства эканомікі Беларусі, Беларуская гандлёва-прамысловая палата.
Урачыстае адкрыццё форуму пачнецца з выступленняў кіраўнікоў дзяржаў, таксама запланаваны кароткія прывітанні міністра эканомікі Беларусі і міністра камерцыі КНР.
Пленарнае пасяджэнне пад дэвізам "Новыя пляцоўкі - новыя магчымасці" будзе ўключаць у сябе прэзентацыю праекта Кітайска-беларускага індустрыяльнага парка "Вялікі камень" і выступленні кіраўніцтва правінцый, гарадоў Кітая і рэгіёнаў Беларусі.
Мадэратарамі на пленарнымі пасяджэнні выступяць кіраўнік упраўлення развіцця гандлю Міністэрства камерцыі Кітая Сунь Чэнхай і старшыня Беларускай гандлёва-прамысловай палаты Міхаіл Мятлікаў.
Пасля пленарнай часткі адбудзецца цырымонія падпісання шэрага пагадненняў.
версія для друку
зрабіць стартавай
дабавіць у выбранае