Бізнес-навіны

Мерапрыемства прысвечана 40-годдзю ўстанаўлення пабрацімскіх сувязей паміж Мінскам і Ліёнам. Бізнес-форум арганізаваны ў мэтах развіцця дамоўленасцей, дасягнутых па выніках другога пасяджэння сумеснай беларуска-французскай камісіі па эканамічным супрацоўніцтве 26 мая ў Парыжы.

Плануецца, што ў ім прымуць удзел амаль 50 французскіх бізнесменаў, зацікаўленых у развіцці супрацоўніцтва з Беларуссю ў сферах прамысловасці, сельскай гаспадаркі, энергетыкі, турызму і іншых. Удзел у бізнес-форуме дасць магчымасць беларускім прадпрыемствам не толькі прэзентаваць свае прапановы па ўстанаўленні гандлёвага і інвестыцыйнага супрацоўніцтва, але і правесці двухбаковыя сустрэчы з патэнцыяльнымі дзелавымі партнёрамі з Францыі.

У час форуму таксама пройдзе шэраг культурных, адукацыйных і гастранамічных мерапрыемстваў.

Арганізатарамі мерапрыемства выступаюць пасольства Беларусі ў Францыі і Мінскі гарадскі выканаўчы камітэт.