Бізнес-навіны

Беларусь зацікаўлена ў нарошчванні аб'ёмаў паставак малочнай і мясной прадукцыі ў Султанат Аман

Фота з архiва

12 жніўня, Мінск /Кар. БЕЛТА/. Беларусь зацікаўлена ў нарошчванні паставак малочнай і мясной прадукцыі ў Султанат Аман, паведамляе БЕЛТА са спасылкай на Telegram-канал Міністэрства сельскай гаспадаркі і харчавання.

Намеснік міністра сельскай гаспадаркі і харчавання Аляксей Багданаў прыняў удзел у анлайн-форуме "Беларусь-Аман", арганізаваным БелГПП сумесна з Аманскай гандлёва-прамысловай палатай. У сваім выступленні ён расказаў пра сельскагаспадарчы патэнцыял Беларусі і намеціў перспектывы далейшага развіцця ўзаемавыгаднага супрацоўніцтва з Султанатам Аман.

Як адзначылі ў прэс-службе, Беларусь зацікаўлена ў нарошчванні аб'ёмаў паставак у Султанат Аман малочнай прадукцыі — масла сметанковага, сыроў, сухога абястлушчанага і сухога неразведзенага малака, а ў перспектыве і мясной прадукцыі (ялавічыны, птушкі), вырабленай у адпаведнасці з патрабаваннямі "Халяль".

версія для друку

зрабіць стартавай

дабавіць у выбранае