Бізнес-навіны

Беларусь заняла трэцяе месца ў рэйтынгу краін Еўропы па таннасці электраэнергіі

Фота з архiва

24 кастрычніка, Мінск /Кар. БЕЛТА/. Беларусь заняла трэцяе месца ў рэйтынгу краін Еўропы па таннасці электраэнергіі. Аб гэтым паведамляе БЕЛТА са спасылкай на прэс-службу Міністэрства энергетыкі.

Міністр энергетыкі Віктар Каранкевіч падкрэсліў на пленуме рэспубліканскага камітэта прафсаюза Белэнергапалівагаз значнасць БелАЭС як буйнейшага для краіны высокатэхналагічнага праекта, які адпавядае самым сучасным патрабаванням бяспекі. Ён нагадаў, што на форуме Energy Expo ўсе жадаючыя, у тым ліку замежныя дэлегацыі, маглі азнаёміцца ​​з перавагамі праекта і паўдзельнічаць у навукова-практычнай канферэнцыі па пытаннях развіцця атамнай энергетыкі ў Беларусі. У парадку дня - усе аспекты выкарыстання мірнага атама: эканамічны эфект, укараненне найноўшых тэхналогій, плюсы для экалогіі.

БелАЭС будавалася ў першую чаргу для забеспячэння ўнутраных патрэбнасцей рэспублікі ў электраэнергіі, падкрэсліў міністр. Адначасова вырашаны і тры важнейшыя задачы. Па-першае, удалося поўнасцю адмовіцца ад імпарту гэтага рэсурсу. Па-другое, зменшана залежнасць рэспублікі ад імпартуемага прыроднага газу. Так, 3 лістапада 2020 года, калі быў уключаны першы энергаблок БелАЭС у аб'яднаную энергасістэму, станцыя сумарна выпрацавала больш за 20 млрд кВт.гадз электраэнергіі. У сваю чаргу гэта дало магчымасць замясціць 5,3 млрд куб.м прыроднага газу. Валютная нагрузка на эканоміку знізілася на больш як $650 млн. Акрамя таго відавочны і экалагічны эфект: выкіды парніковых газаў скараціліся на больш як 9 млн т.

БелАЭС дазволіла забяспечыць узрастаючы попыт на электраэнергію рэальным сектарам эканомікі і насельніцтвам (размова аб ацяпленні і гарачым водазабеспячэнні). "Дзейнічаюць стымулюючыя тарыфы як для энергаёмістых вытворчасцей, так і для грамадзян, якія выкарыстоўваюць электраэнергію для ацяплення. У гэтым годзе ў рэйтынгу краін Еўропы па таннасці электраэнергіі Беларусь заняла трэцяе месца", - падкрэслілі ў Мінэнерга. Плюс да ўсяго станцыя стала драйверам развіцця сумежных галін эканомікі. Цяпер рыхтуецца да рэалізацыі шэраг інавацый у прамысловасці, навуцы, медыцыне. Відавочна і комплекснае добраўпарадкаванне і развіццё самога горада атамшчыкаў - Астраўца і Астравецкага раёна. І гэтаму пасадзейнічала будаўніцтва АЭС.

Віктар Каранкевіч таксама дадаў, што па даручэнні кіраўніка дзяржавы глыбока вывучаецца пытанне будаўніцтва другой АЭС у Беларусі. "Пытанне актуальнае. Вы бачыце, што ўсё больш краін, у тым ліку еўрапейскіх, аддаюць перавагу атамнай энергетыцы як чыстай і надзейнай крыніцы энергіі для вырашэння праблем энергетычнай бяспекі і змянення клімату. Паводле прагнозаў МАГАТЭ, да 2030 года каля 30 краін увядуць у строй атамныя энергетычныя рэактары. Беларусь ужо зрабіла стаўку на атамную энергетыку і карыстаецца яе перавагамі. Будаўніцтва новых блокаў разглядаецца як чарговы важны крок для ўмацавання энергетычнай незалежнасці нашай дзяржавы, а таксама далейшага развіцця яе эканамічнага і інавацыйнага патэнцыялу", - рэзюмаваў ён.

версія для друку

зрабіць стартавай

дабавіць у выбранае