Бізнес-навіны

Беларусь прапрацоўвае з Кітаем 15 стратэгічных інвестпраектаў на $3 млрд

22 жніўня, Мінск /Кар. БЕЛТА/. Беларусь прапрацоўвае з Кітаем 15 новых стратэгічных інвестыцыйных праектаў на $3 млрд. Аб гэтым Прэзідэнт Беларусі Аляксандр Лукашэнка расказаў 22 жніўня на сустрэчы з прэм'ерам Дзяржаўнага савета Кітайскай Народнай Рэспублікі Лі Цянам, перадае карэспандэнт БЕЛТА.

"У актыўнай прапрацоўцы з кітайскімі партнёрамі 15 новых інвестпраектаў стратэгічнага ўзроўню на суму да трох мільярдаў долараў", - расказаў Аляксандр Лукашэнка.

Паводле яго слоў, найбольш важныя з іх: трэці этап праекта па глыбокай перапрацоўцы збожжа Беларускай нацыянальнай біятэхналагічнай карпарацыі, будаўніцтва заводаў па вытворчасці сульфатнай беленай цэлюлозы і ДСП, арганізацыя сучаснага аўтаматызаванага ліцця, вытворчасці рухавікоў, поліпрапілену, карбаміду, хларату натрыю, перакісу вадароду, кальцыніраванай соды.

"Мы лічым, што гэтыя прадпрыемствы, якія будуць пабудаваны ў Беларусі, спатрэбяцца і кітайскай эканоміцы", - заявіў Прэзідэнт.

версія для друку

зрабіць стартавай

дабавіць у выбранае