Бізнес-навіны

"На форуме будуць прадстаўлены каля 200 беларускіх праектаў, мы зацікаўлены ў прыцягненні ў іх інвестыцый. Гэта праекты практычна ва ўсіх сферах, уключаючы медыцыну, нанатэхналогіі, машынабудаванне", - расказаў Аляксандр Шумілін.

У дні форуму плануецца падпісаць пагадненне аб супрацоўніцтве Беларускага інавацыйнага фонду з 10 венчурнымі кампаніямі Кітая. "У перспектыве гэта супрацоўніцтва можа перарасці ў стварэнне асобнага беларуска-кітайскага венчурнага фонду. Кітайскі бок вельмі прагматычна адносіцца да такіх пытанняў і ставіць задачу наступным чынам: фінансы павінны ісці пад канкрэтны праект. Калі такія праекты будуць, то будзе разглядацца пытанне сумеснага венчурнага фонду", - растлумачыў старшыня ДКНТ.

Беларуска-кітайскі форум па камерцыялізацыі вынікаў навукова-тэхнічнай дзейнасці праходзіць у Мінску 4-5 жніўня. Запланавана прэзентацыя інавацыйнага і навукова-тэхнічнага патэнцыялу Беларусі, у тым ліку перспектыўных праектаў для сумеснай рэалізацыі, а таксама выступленні прадстаўнікоў кітайскіх фінансавых і венчурных фондаў.

Мерапрыемства праходзіць пры падтрымцы Дзяржаўнага камітэта па навуцы і тэхналогіях Беларусі, СЗАТ "Кампанія па развіцці індустрыяльнага парка", Нацыянальнай акадэміі навук Беларусі.