Бізнес-навіны

Беларусь прадаўжае супрацоўнічаць з краінамі Азіі і Афрыкі ў сферы грамадзянскай авіяцыі

Фота з архiва

23 кастрычніка, Мінск /Кар. БЕЛТА/. Беларусь падпісала дакументы ў сферы грамадзянскай авіяцыі з Саудаўскай Аравіяй, Кувейтам і Марока, паведамілі БЕЛТА ў Міністэрстве транспарту і камунікацый.

У ходзе канферэнцыі ІКАО ICAN 2024 па правядзенні перагавораў аб паветраных зносінах у Малайзіі прадстаўнікі Дэпартамента па авіяцыі беларускага Мінтранса падпісалі міжурадавае пагадненне аб паветраных зносінах з Каралеўствам Саудаўская Аравія, мемарандум аб узаемаразуменні з авіяцыйнымі ўладамі Дзяржавы Кувейт, пратакол перагавораў па выніках кансультацый з авіяцыйнай адміністрацыяй Каралеўства Марока.

Акрамя таго, адбыліся перагаворы з авіяцыйнымі ўладамі Аб'яднаных Арабскіх Эміратаў, на якіх абмяркоўваліся перспектывы двухбаковага супрацоўніцтва.

версія для друку

зрабіць стартавай

дабавіць у выбранае