Бізнес-навіны

26 студзеня, Мінск /Юлія Огнева - БЕЛТА/. Беларусь плануе стварыць у 2016 годзе сістэмы садзейнічання ўзаемнаму гандлю з шасцю краінамі, паведаміў сёння журналістам старшыня Дзяржаўнага мытнага камітэта (ДМК) Юрый Сянько, перадае карэспандэнт БЕЛТА.

"У мэтах удасканалення мытных аперацый у 2016 годзе запланавана стварэнне сістэм садзейнічання ўзаемнаму гандлю з Турцыяй, Славакіяй, Італіяй, Польшчай, Літвой і Кітаем", - адзначыў Юрый Сянько.

Паводле яго слоў, з пералічанымі краінамі рух наперад у пытанні стварэння сістэм садзейнічання ўзаемнаму гандлю значны. "З тымі краінамі, дзе ў нас актыўна развіваецца гандаль і неабхода спрасціць пэўныя фармальнасці, мы ідзём на тое, каб арганізаваць узаемны абмен інфармацыяй, які дасць магчымасць мінімізаваць часавыя рамкі праверачных мерапрыемстваў на нашым баку або нашых грузаў на іншым баку. Гэта значыць усе аперацыі будуць праводзіцца ўзаемна", - растлумачыў старшыня ДМК.