Бізнес-навіны

У ведамстве расказалі, што прадстаўнікі Мінфіна з 15 лютага правядуць серыю сустрэч з патэнцыяльнымі інвестарамі. Арганізатарамі выступяць Citi і Raiffeisen Bank International AG. Суарганізатарам будзе Банк развіцця Беларусі.

Прапануюцца да размяшчэння еўрааблігацыі, намініраваныя ў доларах, мяркуемым тэрмінам абарачэння 10-12 гадоў.

Канкрэтныя тэрміны размяшчэння беларускіх еўрааблігацый і аб'ём эмісіі будуць вядомы пазней, падкрэслілі ў прэс-службе.

Як раней паведамлялася, Беларусь плануе размясціць еўрааблігацыі на $600 млн у I паўгоддзі 2018 года.

У 2017 годзе Беларусь размясціла еўрааблігацыі ў аб'ёме $1,4 млрд. Еўрабонды былі размешчаны двума траншамі даходнасцю на ўзроўні 7,125 працэнта і 7,625 працэнта.