Бізнес-навіны

Беларусь плануе пастаўляць у Экватарыяльную Гвінею сельгастэхніку, насенне і прадукты харчавання

Фота з архiва

16 лістапада, Мінск /Кар. БЕЛТА/. Беларусь плануе пастаўляць сельгастэхніку, насенне і прадукты харчавання ў Экватарыяльную Гвінею. Аб гэтым паведамілі БЕЛТА ў прэс-службе Міністэрства сельскай гаспадаркі і харчавання.

"Па выніках візіту беларускай дэлегацыі ў Экватарыяльную Гвінею падпісаны мемарандум. Рабочая група па сельскай гаспадарцы выпрацавала дамоўленасці па пастаўцы сельскагаспадарчай тэхнікі і прадуктаў харчавання,  беларускіх зярнят кукурузы, насення бульбы і іншых культур, зыходзячы з зацікаўленасці, а таксама па рэалізацыі сумесных праектаў у галіне птушкагадоўлі і вырошчвання агародніны. Прапанаваны да паставак і беларускія сродкі аховы раслін", - расказалі ў Мінсельгасхарчы.

У прэс-службе растлумачылі, што для вызначэння спектра тэхнікі і ўгнаенняў, якія могуць рэалізоўвацца ў Экватарыяльную Гвінею, было праведзена абследаванне асобных зямель.

Акрамя таго, будзе наладжвацца супрацоўніцтва ў сферы рыбалоўства (пастаўка з Беларусі і перапрацоўка рыбы), а таксама навучанне спецыялістаў з Экватарыяльнай Гвінеі ў сферах механізацыі, перапрацоўкі і рыбнай гаспадаркі ў аграрных ВНУ Беларусі.

версія для друку

зрабіць стартавай

дабавіць у выбранае