Бізнес-навіны

26 студзеня, Мінск /Кар. БЕЛТА/. Урад Беларусі адобрыў праект дагавора з ТАА "Балтыйскі лізінг" (РФ) аб прадастаўленні ў Расіі на ўмовах фінансавай арэнды тавараў, вырабленых у рэспубліцы. Аб гэтым гаворыцца ў пастанове Савета Міністраў Беларусі нумар 40 ад 21 студзеня, апублікаванай сёння на Нацыянальным прававым партале, паведамляе БЕЛТА.

Дакумент прыняты ў адпаведнасці з указам нумар 466 "Аб некаторых мерах па рэалізацыі тавараў, вырабленых у Рэспубліцы Беларусь" ад 24 верасня 2009 года. На правядзенне перагавораў з расійскай кампаніяй аб падпісанні адпаведнага дагавора ўпаўнаважаны міністэрствы прамысловасці і фінансаў Беларусі. Ім дазволена пры неабходнасці ўносіць змяненні і дапаўненні ў дагавор, якія не маюць прынцыповага характару.

ААТ "Ашчадны банк Беларусбанк" вызначана банкам-агентам па выкананні ўмоў дагавора з выплатай яму ўзнагароджання ў памеры не большым за 0,02 працэнта сумы, што падлягае кампенсацыі Беларуссю, за кошт сродкаў рэспубліканскага бюджэту, прадугледжаных на гэтыя мэты.

Пастанова ўступае ў сілу з дня яе прыняцця.

ТАА "Балтыйскі лізінг" прадастаўляе поўны пералік паслуг па набыцці абсталявання, нерухомай маёмасці, спецтэхнікі і аўтатранспарту ў лізінг. Сетка прадпрыемства налічвае больш як 60 філіялаў у розных рэгіёнах Расіі. Група кампаній "Балтыйскі лізінг" з 1994 года з'яўляецца зарэгістраваным членам Расійскай асацыяцыі лізінгавых кампаній "Раслізінг", з 1999 года - "Аб'яднанай лізінгавай асацыяцыі".