Бізнес-навіны

Беларусь перадала пажарную тэхніку Зімбабвэ

Фота Мінпрама

18 жніўня, Мінск /Кар. БЕЛТА/. Намеснік міністра прамысловасці Беларусі Дзмітрый Харытончык у Харарэ прыняў удзел у цырымоніі перадачы пажарнай тэхнікі беларускай вытворчасці для патрэб муніцыпалітэтаў Зімбабвэ. Аб гэтым карэспандэнту БЕЛТА паведамілі ў прэс-службе Мінпрама.

Дзмітрый Харытончык адзначыў, што Беларусь мае вялікі вопыт у вытворчасці спецыяльных і грузавых машын, і выказаў упэўненасць, што беларуская тэхніка дапаможа зімбабвійскім ратавальнікам змагацца з надзвычайнымі сітуацыямі і захавае не адно жыццё.

Намеснік міністра канстатаваў, што Беларусь разглядае Зімбабвэ як важнага стратэгічнага партнёра на Афрыканскім кантыненце. "За апошнія гады нашы краіны значна ўмацавалі палітычныя сувязі, пашырылі гандлёва-эканамічнае і гуманітарнае супрацоўніцтва, пашырылі дагаворна-прававую базу адносін, а таксама адкрылі пасольствы ў Беларусі і Зімбабвэ", - сказаў ён.

Паводле слоў Дзмітрыя Харытончыка, беларускі бок адкрыты да самага актыўнага дыялогу і развіцця супрацоўніцтва з Зімбабвэ па ўсіх напрамках.

версія для друку

зрабіць стартавай

дабавіць у выбранае