Бізнес-навіны

Беларусь падпісала пагадненне аб павелічэнні паставак тарфяной прадукцыі на турэцкі рынак

Фота Мінэнерга

5 снежня, Мінск /Кар. БЕЛТА/. За 10 месяцаў бягучага года Беларусь на турэцкі рынак паставіла звыш 6 тыс. куб.м верхавога торфу. Аб гэтым БЕЛТА паведамілі ў прэс-службе Міністэрства энергетыкі.

Па выніках міжнароднай выстаўкі MUSIAD EXPO, якая праходзіць у Стамбуле, быў дасягнуты шэраг дамоўленасцей. У прыватнасці, з кампаніяй GLS GROUP A.S. падпісана Пагадненне аб павелічэнні паставак тарфяной прадукцыі і правядзенні выпрабаванняў вадкіх і сухіх гуматаў у аб'ёме 200 кг. Таксама дасягнуты дамоўленасці аб доўгатэрміновым супрацоўніцтве з кампаніяй DY GROUP.

Пасля правядзення выпрабаванняў беларускім бокам будзе распрацавана спецыяльная рэцэптура, якая стане асновай для азелянення тэрыторый і ландшафтнага дызайну.

версія для друку

зрабіць стартавай

дабавіць у выбранае