Бізнес-навіны

Беларусь купіла праз трэйдараў 160 тыс. т расійскай нафты без прэміі з перавалкай у Літве

Фота з архiва

20 лютага, Мінск /Кар. БЕЛТА/. Беларусь купіла праз трэйдараў 160 тыс. т расійскай нафты без прэміі з перавалкай у Літве, паведамілі БЕЛТА ў прэс-службе "Белнафтахіма".

"Нафта расійская. Але бралі ў трэйдараў і без прэміі. Улічвалі кароткі час пастаўкі", - паведамілі ў прэс-службе.

У "Белнафтахіме" не сталі называць кошт, спаслаўшыся на камерцыйную тайну. "Але можна адзначыць, што расійскі рэсурсаўладальнік на гэтай пастаўцы мог бы зарабіць больш нават без прэміі", - дадалі ў канцэрне.

Прыбыццё двух танкераў з нафтай у порт Клайпеды чакаецца ў сакавіку.

Як паведамлялася, у студзені ў Клайпедскі порт прыйшло судна з 86 тыс. т нарвежскай нафты для Беларусі. Нафта сорту Johan Sverdrup была прызначана для перапрацоўкі ў ААТ "Нафтан" і дастаўлялася ў Беларусь чыгуначным транспартам.

версія для друку

зрабіць стартавай

дабавіць у выбранае