Бізнес-навіны
Беларусь атрымала запрашэнне на форум "Адзін пояс, адзін шлях"
30 студзеня, Мінск /Аліна Грышкевіч - БЕЛТА/. Беларусь атрымала запрашэнне на міжнародны форум "Адзін пояс, адзін шлях", які адбудзецца ў маі ў Пекіне, паведамілі карэспандэнту БЕЛТА ў пасольстве Беларусі ў Кітаі.
Пытанні ўдзелу беларускага боку ў форуме высокага ўзроўню "Адзін пояс, адзін шлях" былі абмеркаваны на сустрэчы Надзвычайнага і Паўнамоцнага Пасла Беларусі ў КНР Кірыла Рудага з дырэктарам дэпартамента міжнароднай эканомікі Міністэрства замежных спраў Кітая Чжан Цзюнем.
Як паведамлялася, старшыня КНР Сі Цзіньпін у сваім выступленні на штогадовым пасяджэнні Сусветнага эканамічнага форуму ў швейцарскім Давосе расказаў аб правядзенні ў кітайскай сталіцы ў маі форуму па міжнародным супрацоўніцтве ў рамках ініцыятывы "Адзін пояс, адзін шлях", каб сумесна абмеркаваць планы ўзаемадзеяння і пабудовы іх платформы. Бакі будуць шукаць шляхі вырашэння пытанняў, якія стаяць перад сучаснай сусветнай і рэгіянальнай эканомікай, каб надаць новую энергію сумеснаму развіццю ініцыятывы.
версія для друку
зрабіць стартавай
дабавіць у выбранае