Бізнес-навіны
Беларусь і ЗША абмеркавалі ўзаемадзеянне ў ваеннай сферы
21 верасня, Мінск /Кар. БЕЛТА/. Міністр замежных спраў Беларусі Уладзімір Макей і намеснік памочніка міністра абароны ЗША Майкл Карпентэр на сустрэчы ў Нью-Ёрку абмеркавалі арганізацыю ўзаемадзеяння паміж краінамі ў ваеннай сферы. Аб гэтым БЕЛТА паведамілі ў прэс-службе МЗС Беларусі.
Яшчэ адной тэмай сустрэчы стала наладжванне прамога дыялогу паміж ваеннымі ведамствамі Беларусі і ЗША ва ўмовах нарастання напружанасці ва ўсходнееўрапейскім рэгіёне.
У МЗС таксама расказалі, што ў рамках візіту ў Нью-Ёрк Уладзімір Макей 20 верасня прыняў удзел ва ўрачыстым адкрыцці агульнай дыскусіі "Мэты ў галіне ўстойлівага развіцця: усеагульныя намаганні па пераўтварэнні нашага свету" 71-й сесіі Генеральнай Асамблеі Арганізацыі Аб'яднаных Нацый.
У час наведвання пратакольных мерапрыемстваў ад імя кіраўніцтва ААН, ЗША і ЕС адбыўся шэраг рабочых кантактаў міністра замежных спраў Беларусі з еўрапейскімі калегамі і прадстаўнікамі іншых краін.
версія для друку
зрабіць стартавай
дабавіць у выбранае