Бізнес-навіны

Беларусь і В'етнам зацікаўлены ў стварэнні новых сумесных вытворчасцей

Фота міністэрства эканомікі

21 снежня, Мінск /Кар. БЕЛТА/. Беларусь і В'етнам зацікаўлены ў стварэнні новых і развіцці дзеючых сумесных вытворчасцей. Аб гэтым ішла размова сёння на сустрэчы міністра эканомікі Беларусі Дзмітрыя Крутога з Надзвычайным і Паўнамоцным Паслом В'етнама ў Беларусі Фам Хаем, паведамляе БЕЛТА са спасылкай на сайт Міністэрства эканомікі Беларусі.

Дзмітрый Крутой і Фам Хай абмеркавалі актуальныя пытанні гандлёва-эканамічнага і інвестыцыйнага супрацоўніцтва дзвюх краін, перспектыўныя напрамкі ўзаемадзеяння. Асаблівая ўвага ўдзелена неабходнасці рэалізацыі патэнцыялу для нарошчвання ўзаемнага тавараабароту і інвестыцыйнай актыўнасці. Бакі таксама адзначылі важнасць максімальнага выкарыстання пераваг пагаднення аб зоне свабоднага гандлю паміж дзяржавамі - членамі ЕАЭС і В'етнамам, падпісанага ў 2015 годзе.

Па выніках сустрэчы дасягнута дамоўленасць аб прадаўжэнні канструктыўнага дыялогу па актуальных пытаннях двухбаковага ўзаемадзеяння.

версія для друку

зрабіць стартавай

дабавіць у выбранае