Бізнес-навіны

Беларусь і Узбекістан зацікаўлены ў стварэнні сумеснага турыстычнага прадукту

Фота з архiва

11 кастрычніка, Мінск /Кар. БЕЛТА/. Надзвычайны і Паўнамоцны Пасол Беларусі ва Узбекістане Леанід Марыніч абмеркаваў з намеснікам прэм'ер-міністра, міністрам турызму і спорту Узбекістана Азізам Абдухакімавым развіццё супрацоўніцтва ў сферы турызму. Аб гэтым БЕЛТА паведамілі ў беларускай дыпмісіі ва Узбекістане.

"Бакі выказалі зацікаўленасць у пашырэнні турыстычных абменаў паміж Беларуссю і Узбекістанам, узаемным рэкламным прасоўванні турыстычных пакетаў у сваіх краінах, а таксама стварэнні з улікам існуючых лагістычных магчымасцей сумеснага турыстычнага прадукту "Узбекістан-Беларусь" для турыстаў з трэціх краін", - расказалі ў пасольстве.

Леанід Марыніч перадаў запрашэнне ўзбекскім спартсменам наведаць спартыўныя базы ў Беларусі для сумесных вучэбна-трэніровачных збораў для падрыхтоўкі да ХХХIII летніх Алімпійскіх гульняў. Беларускі бок выказаў гатоўнасць разгледзець сустрэчныя прапановы аб выкарыстанні спартыўнай інфраструктуры Узбекістана для падрыхтоўкі як прафесійных спартсменаў, так і спартсменаў-аматараў.

"Дасягнуты дамоўленасці аб абмене календарамі міжнародных і адкрытых спаборніцтваў, якія праводзяцца ў Беларусі і Узбекістане ў 2022 годзе, для ўдзелу ў іх спартсменаў дзвюх краін", - дадалі ў дыпмісіі.

У час сустрэчы таксама абмеркаваны пытанні паставак беларускіх камплектаў драўляных дамоў для размяшчэння ў сфарміраваных турысцка-рэкрэацыйных зонах Узбекістана, якія актыўна развіваюцца.

версія для друку

зрабіць стартавай

дабавіць у выбранае