Бізнес-навіны

Беларусь і Турцыя па выніках года выйдуць на гістарычны максімум у тавараабароце

Фота з архiва

12 лістапада, Мінск /Кар. БЕЛТА/. Беларусь і Турцыя па выніках года выйдуць на гістарычны максімум у тавараабароце. Аб гэтым заявіў у эфіры тэлеканала АНТ міністр замежных спраў Сяргей Алейнік, паведамляе БЕЛТА.

"Сапраўды, у нас ёсць стратэгічная задача, якую паставілі кіраўнікі дзяржаў - прэзідэнты Беларусі і Турцыі ў красавіку 2019 года ў ходзе афіцыйнага візіту Прэзідэнта Рэспублікі Беларусь у названую краіну. Гэта задача выйсці на аб'ём тавараабароту $1,5 млрд і скараціць дысбаланс знешняга гандлю", - расказаў Сяргей Алейнік.

Мы ўжо наблізіліся да гэтай лічбы, адзначыў міністр. "У апошнія два гады наш тавараабарот перавышаў $1 млрд, але ў гэтым годзе мы разлічваем выйсці на гістарычны максімум. Паводле даных турэцкай статыстыкі, за 10 месяцаў бягучага года тавараабарот ужо склаў $1,6 млрд. Па канцы года выйдзем на гістарычны максімум. І тая стратэгічная задача, якую ставілі кіраўнікі дзяржаў, безумоўна, будзе выканана", - падкрэсліў ён.

версія для друку

зрабіць стартавай

дабавіць у выбранае