Бізнес-навіны

Беларусь і Таджыкістан маюць намер нарасціць гандаль сельгаспрадукцыяй

Фота з архiва

17 сакавіка, Мінск /Кар. БЕЛТА/. Міністр сельскай гаспадаркі і харчавання Ігар Брыло сустрэўся з Надзвычайным і Паўнамоцным Паслом Таджыкістана ў Беларусі Махмадшарыфам Хакдодам, паведамілі БЕЛТА ў прэс-службе Мінсельгасхарча.

"Бакі абмеркавалі пытанні далейшага развіцця гандлёва-эканамічных адносін паміж краінамі. У прыватнасці, нарошчванне ўзаемнага тавараабароту, пашырэнне наменклатуры пастаўляемых сельскагаспадарчых тавараў, актывізацыі супрацоўніцтва ў галіне племянной жывёлагадоўлі і сферы аграрнай адукацыі. Таксама разгледзелі тэму падрыхтоўкі да пасяджэння сумеснай рабочай групы, якая адбудзецца, як запланавана, у перыяд правядзення міжнароднай выстаўкі "Белагра-2022", - расказалі ў прэс-службе.

У 2021 годзе тавараабарот паміж Беларуссю і Таджыкістанам вырас на 12,6 працэнта і склаў $126,1 млн. Экспарт сельгаспрадукцыі вырас на 11,2 працэнта, пастаўлена тавараў на суму $10,6 млн.

версія для друку

зрабіць стартавай

дабавіць у выбранае