Бізнес-навіны

Беларусь і Судан гатовы разглядаць новыя перспектывы сумеснай дзейнасці

Фота з архiва

14 лютага, Мінск /Кар. БЕЛТА/. Беларусь і Судан гатовы разглядаць новыя перспектывы сумеснай дзейнасці, паведамілі БЕЛТА ў прэс-службе Міністэрства антыманапольнага рэгулявання і гандлю.

На пляцоўцы МАРГ адбылася сустрэча міністра Аляксея Багданава і Надзвычайнага і Паўнамоцнага Пасла Судана ў Беларусі Махамеда Амера Мусы Алі. У час сустрэчы бакі абмеркавалі актуальныя пытанні беларуска-суданскага ўзаемадзеяння.

"Супрацоўніцтва паміж нашымі краінамі мае значны патэнцыял, які не задзейнічаны ў поўнай меры. Мы зацікаўлены працаваць з Суданам ва ўсіх галінах, што ўяўляюць узаемны інтарэс, а таксама гатовы разглядаць новыя перспектыўныя напрамкі сумеснай дзейнасці", - сказаў Аляксей Багданаў.

Асаблівая ўвага ў ходзе сустрэчы ўдзелена вывучэнню беларускага вопыту ў сферы цэнавага рэгулявання. Паводле слоў пасла, гэты механізм барацьбы з інфляцыяй можа вельмі спатрэбіцца Судану.

версія для друку

зрабіць стартавай

дабавіць у выбранае