Бізнес-навіны
Беларусь і Славенія падпішуць сумесную дэкларацыю ў галіне мірнага выкарыстання атамнай энергіі
24 верасня, Мінск /Таццяна Паляжай - БЕЛТА/. Беларусь і Славенія падпішуць сумесную дэкларацыю аб супрацоўніцтве ў галіне мірнага выкарыстання атамнай энергіі. Аб гэтым паведаміў сёння журналістам начальнік упраўлення інфармацыі - прэс-сакратар Міністэрства замежных спраў Беларусі Дзмітрый Мірончык, перадае карэспандэнт БЕЛТА.
Падпісанне дакумента запланавана па выніках 5-га пасяджэння беларуска-славенскай камісіі па гандлёва-эканамічным і навукова-тэхнічным супрацоўніцтве, якое пройдзе ў Мінску 28-29 верасня. У гэтыя дні пройдзе таксама беларуска-славенскі бізнес-форум.
У час мерапрыемстваў бакі абмяркуюць пытанні супрацоўніцтва ў галіне гандлю і інвестыцый, прамысловасці і энергетыкі, транспарту, сельскай гаспадаркі і харчавання, а таксама актывізацыю кантактаў паміж дзелавымі коламі дзвюх краін.
Сустаршынёй камісіі з беларускага боку з'яўляецца намеснік міністра замежных спраў Алена Купчына, са славенскага - кіраўнік дырэктара эканамічнай дыпламатыі МЗС Станіслаў Рашчан.
версія для друку
зрабіць стартавай
дабавіць у выбранае