Бізнес-навіны

Беларусь і Славакія актывізуюць супрацоўніцтва ў аўтамабілебудаванні, медыцыне, турызме

Фота БелГПП

10 лютага, Мінск /Кар. БЕЛТА/. Беларусь і Славакія зацікаўлены ў актывізацыі супрацоўніцтва дзелавых колаў дзвюх краін. Аб гэтым ішла размова на сустрэчы старшыні Беларускай гандлёва-прамысловай палаты Уладзіміра Улаховіча з часовым павераным у справах Славакіі ў Беларусі Катарынай Жакавай, паведамляе БЕЛТА са спасылкай на сайт БелГПП.

У ходзе сустрэчы бакі разгледзелі магчымасці актывізацыі супрацоўніцтва дзелавых колаў Беларусі і Славакіі ў сучасных умовах, перспектывы рэалізацыі сумесных бізнес-праектаў, паглыблення двухбаковага ўзаемадзеяння ў сферах аўтамабілебудавання, вытворчасці электратранспарту, абсталявання для малочнай прамысловасці, сельскай гаспадаркі, фармацэўтыкі і медыцынскага прыборабудавання, інфармацыйных тэхналогій, турызму. Акрамя таго, удзельнікі перагавораў абмеркавалі пытанні супрацоўніцтва па лініі гандлёва-прамысловых палат дзвюх краін, магчымасці аднаўлення абмену візітамі, правядзення дзелавых мерапрыемстваў, у тым ліку анлайн-сустрэч і перагавораў прадстаўнікоў прадпрыемстваў і арганізацый, прэзентацыі гандлёва-эканамічнага і інвестыцыйнага патэнцыялу Славакіі для беларускіх кампаній.

Старшыня БелГПП запрасіў кіраўніцтва і супрацоўнікаў пасольства Славакіі прыняць удзел у традыцыйных B2B-мерапрыемствах БелГПП у рамках свята "Купалле" ("Александрыя збірае сяброў"), а таксама ў Дні гандлёвага саветніка, які ў гэтым годзе пройдзе ў Брэсцкай вобласці.

версія для друку

зрабіць стартавай

дабавіць у выбранае