Бізнес-навіны

16 лістапада, Мінск /Кар. БЕЛТА/. Беларусь і Сербія абмяркуюць перспектывы развіцця супрацоўніцтва ў ваеннай сферы, паведамілі БЕЛТА ў прэс-службе Міністэрства абароны Беларусі.

Як растлумачылі ў ведамстве, 16 лістапада пачаўся трохдзённы афіцыйны візіт міністра абароны Беларусі генерала-лейтэнанта Андрэя Раўкова ў Сербію, у час якога плануецца абмеркаваць бягучы стан і перспектывы развіцця беларуска-сербскага супрацоўніцтва ў ваеннай сферы.

Акрамя таго, чакаецца, што Андрэй Раўкоў азнаёміцца з сістэмай ваеннай адукацыі і вопытам падрыхтоўкі падраздзяленняў сіл спецыяльных аперацый Узброеных Сіл Сербіі.