Бізнес-навіны

Беларусь і Сейшэлы падпісалі пагадненне аб паветраных зносінах

Фота з архiва

22 кастрычніка, Мінск /Кар. БЕЛТА/. У Куала-Лумпур (Малайзія) 21 кастрычніка было падпісана пагадненне паміж урадамі Беларусі і Сейшэльскіх Астравоў аб паветраных зносінах. Аб гэтым БЕЛТА расказалі ў прэс-службе Мінтранса.

Подпісы пад дакументам паставілі дырэктар Дэпартамента па авіяцыі Мінтранса Беларусі Ігар Голуб і міністр транспарту Рэспублікі Сейшэльскія Астравы Энтані Дэжак.

Як растлумачылі ў Мінтрансе, пагадненне накіравана на рэгуляванне аператыўных і тэхнічных аспектаў у галіне паветранага транспарту і з'яўляецца прававой асновай для арганізацыі палётаў. У далейшым гэта дазволіць авіяперавозчыкам выконваць пасажырскія і грузавыя рэйсы паміж аэрапортамі дзвюх краін.

У міністэрстве ўпэўнены, што рэалізацыя дакумента будзе садзейнічаць умацаванню турыстычных, эканамічных і камерцыйных сувязей паміж Беларуссю і Сейшэльскімі Астравамі.

версія для друку

зрабіць стартавай

дабавіць у выбранае