Бізнес-навіны
Беларусь і Саудаўская Аравія маюць намер актывізаваць супрацоўніцтва ў гандлёва-эканамічнай сферы
22 красавіка, Мінск /Кар. БЕЛТА/. Беларусь і Саудаўская Аравія маюць намер актывізаваць супрацоўніцтва ў гандлёва-эканамічнай сферы. Гэта пытанне абмяркоўваў Надзвычайны і Паўнамоцны Пасол Беларусі ў ААЭ і Саудаўскай Аравіі (па сумяшчальніцтве) Раман Галоўчанка з сустаршынёй сумеснага камітэта па супрацоўніцтве паміж дзвюма краінамі, намеснікам міністра замежных спраў Саудаўскай Аравіі па эканамічных і культурных пытаннях Юсуфам бен Тарадам аль-Саадунам, паведамілі БЕЛТА ў прэс-службе МЗС.
"Бакі разгледзелі пытанні актывізацыі беларуска-саудаўскага супрацоўніцтва ў гандлёва-эканамічнай сферы. Асаблівая ўвага была ўдзелена пытанням падрыхтоўкі да правядзення першага пасяджэння сумеснага камітэта па супрацоўніцтве паміж Беларуссю і Саудаўскай Аравіяй, запланаванага на 6-7 мая 2015 года ў Эр-Рыядзе", - праінфармавалі ў прэс-службе знешнепалітычнага ведамства.
версія для друку
зрабіць стартавай
дабавіць у выбранае