Бізнес-навіны

Беларусь і Самарская вобласць маюць намер стварыць адзіны ланцужок узаемнага руху тавараў

Фота з архiва

29 ліпеня, Мінск /Кар. БЕЛТА/. Беларусь і Самарская вобласць зацікаўлены ў стварэнні адзінага ланцужка ўзаемнага руху тавараў. Аб гэтым ішла размова на B2B-перагаворах у анлайн-фармаце, арганізаваных Гродзенскім аддзяленнем Беларускай ГПП сумесна з Гандлёва-прамысловай палатай Самарскай вобласці, паведамляе БЕЛТА са спасылкай на сайт абласнога аддзялення БелГПП.

Перагаворы былі арганізаваны для абмеркавання магчымасці стварэння беларускіх гандлёва-лагістычных цэнтраў у Самарскай вобласці і гандлёва-лагістычных цэнтраў гэтага рэгіёна Расіі ў Беларусі, адзначылі ў БелГПП.

Удзел у мерапрыемстве прынялі кіраўнікі Гродзенскага аддзялення БелГПП, Гродзенскага філіяла РУП "Белмытнясэрвіс", саюза "Гандлёва-прамысловая палата Самарскай вобласці" і ТАА "Аграпарк "Самара".

"У ходзе перагавораў бакі прыйшлі да агульнага меркавання, што на першапачатковым этапе найбольш мэтазгоднай формай супрацоўніцтва можа стаць не стварэнне новых гандлёва-лагістычных цэнтраў, а выкарыстанне транспартна-лагістычных цэнтраў "Белмытнясэрвісу", якія дзейнічаюць на тэрыторыі Беларусі, і аграпарка "Самара" на тэрыторыі Паволжа. Удзельнікі перагавораў таксама дамовіліся, што для стварэння адзінага ланцужка ўзаемнага руху тавараў з магчымасцю выкарыстання паслуг беларускіх і самарскіх гандлёва-лагістычных цэнтраў Гродзенскае аддзяленне БелГПП сумесна з палатай Самарскай вобласці зоймуцца пошукам зацікаўленых кампаній экспарцёраў і імпарцёраў", - дадалі ў БелГПП.

версія для друку

зрабіць стартавай

дабавіць у выбранае