Бізнес-навіны

Беларусь і Расія падпісалі міжурадавае пагадненне аб супрацоўніцтве ў галіне перавозкі ядзерных матэрыялаў

8 лістапада, Мінск /Кар. БЕЛТА/. Міністр энергетыкі Беларусі Віктар Каранкевіч і генеральны дырэктар дзяржкарпарацыі "Расатам" Аляксей Ліхачоў падпісалі пагадненне паміж урадамі дзвюх краін аб супрацоўніцтве ў галіне перавозкі ядзерных матэрыялаў, паведамілі БЕЛТА ў прэс-службе Мінэнерга.

"Дакумент заключаны ў рамках рэалізацыі саюзнай праграмы ў галіне атамнай энергетыкі, зацверджанай кіраўнікамі дзяржаў 4 лістапада. Пагадненне вызначае парадак перавозкі ядзерных матэрыялаў паміж краінамі", - расказалі ў прэс-службе.

Падчас сустрэчы, якая адбылася ў Маскве, Віктар Каранкевіч і Аляксей Ліхачоў абмеркавалі ход рэалізацыі праекта па будаўніцтве БелАЭС, а таксама пытанні далейшага супрацоўніцтва Беларусі і дзяржкарпарацыі "Расатам".

версія для друку

зрабіць стартавай

дабавіць у выбранае