Бізнес-навіны

5 кастрычніка, Ісламабад /Міхаіл Маціеўскі - БЕЛТА/. Беларусь і Пакістан прапрацоўваюць некалькі напрамкаў супрацоўніцтва ў нафтаздабыўной сферы. Аб гэтым паведаміў сёння журналістам намеснік прэм'ер-міністра Беларусі Уладзімір Сямашка, перадае карэспандэнт БЕЛТА.

Віцэ-прэм'ер расказаў, што гэтымі днямі правёў сустрэчу з федэральным міністрам нафты і прыродных рэсурсаў Пакістана. На сустрэчы бакі вызначылі шэсць-сем напрамкаў, па якіх можна развіваць супрацоўніцтва.

"Яны не ўсе могуць спрацаваць, але прынамсі некаторыя з іх павінны. Мы чакаем у бліжэйшыя два тыдні спецыялістаў у сферах нафтаразведкі, здабычы нафты і газу, перапрацоўкі нафты, у галіне абсталявання", - адзначыў Уладзімір Сямашка.