Бізнес-навіны

Беларусь і Нігерыя маюць намер заключыць дагавор аб супрацоўніцтве ў прамысловай кааперацыі

22 красавіка, Мінск /Кар. БЕЛТА/. Надзвычайны і Паўнамоцны Пасол Беларусі ў Нігерыі Вячаслаў Брыль сустрэўся з дзяржаўным міністрам замежных спраў Нігерыі Зубаірам Дада. Аб гэтым БЕЛТА паведамілі ў прэс-службе Міністэрства замежных спраў.

Бакі абмеркавалі актуальны стан і перспектывы развіцця двухбаковых адносін. "Падкрэслена ўзаемная зацікаўленасць і гатоўнасць да стварэння міжурадавай камісіі па гандлёва-эканамічным супрацоўніцтве і падпісанні дагавора аб супрацоўніцтве ў сферы прамысловай кааперацыі", - адзначылі ў МЗС.

У час сустрэчы абмяркоўваўся і шэраг сумесных мерапрыемстваў, у прыватнасці, правядзенне ў Мінску трэцяга раўнда палітычных кансультацый, а таксама планы па развіцці дагаворна-прававой базы двухбаковых адносін.

"Дзяржаўным міністрам выказана падтрымка намаганняў Беларусі па ўрэгуляванні рэгіянальных канфліктаў і наладжванні партнёрскіх адносін на раўнапраўнай і ўзаемавыгаднай аснове", - праінфармавалі ў МЗС.

версія для друку

зрабіць стартавай

дабавіць у выбранае