Бізнес-навіны

Беларусь і МВФ прадаўжаюць дыялог па прыцягненні хуткага фінансавання - Нацбанк

Фота з архiва

13 мая, Мінск /Кар. БЕЛТА/. Беларусь і Міжнародны валютны фонд прадаўжаюць дыялог па прыцягненні хуткага фінансавання, паведаміў сёння на брыфінгу старшыня праўлення Нацыянальнага банка Беларусі Павел Калаур, перадае карэспандэнт БЕЛТА.

"Цяпер Беларусь знаходзіцца ў працэсе дыялогу з персаналам Міжнароднага валютнага фонду. Яны ацэньваюць сітуацыю, якая склалася ў Беларусі, мы параўноўваем нашы прагнозы. Таму ідзе такі звычайны руцінны дыялог", - адзначыў Павел Калаур.

На яго думку, рабіць прагнозы наконт вынікаў перагавораў пакуль дачасна.

Як паведамлялася, урад Беларусі і Нацыянальны банк звярнуліся ў МВФ з заяўкай на атрыманне хуткага фінансавання ў сувязі з пагаршэннем глабальнай эканамічнай сітуацыі. Зыходзячы з умоў доступу да інструменту хуткага фінансавання, Беларусь можа прэтэндаваць на суму, эквівалентную прыкладна $900 млн.

версія для друку

зрабіць стартавай

дабавіць у выбранае