Бізнес-навіны
Беларусь і Масква разлічваюць павялічыць тавараабарот да $5 млрд
8 чэрвеня, Мінск /Кар. БЕЛТА/. Беларусь і Масква разлічваюць павялічыць тавараабарот да $5 млрд, заявіў прэм'ер-міністр Беларусі Андрэй Кабякоў на выніках сустрэчы з мэрам Масквы Сяргеем Сабяніным. Адпаведная інфармацыя размешчана на сайце беларускага ўрада, паведамляе БЕЛТА.
Як адзначыў Андрэй Кабякоў, гандлёва-эканамічныя адносіны з Масквой шматпланавыя і разнастайныя. Нягледзячы на зніжэнне тавараабароту за апошні год, ён па-ранейшаму высокі. У 2015 годзе тавараабарот паміж Беларуссю і Масквой склаў $3 083,4 млн. У студзені-сакавіку паказчык склаў $578,7 млн.
Беларускі бок зацікаўлены ў пашырэнні паставак у Маскву камунальнай, грузавой, дарожна-будаўнічай тэхнікі пры рэалізацыі планаў па мадэрнізацыі транспартнага комплексу сталіцы Расіі да 2020 года. Таксама прэм'ер-міністр прапанаваў Сяргею Сабяніну разгледзець магчымасць пашырэння наменклатуры пастаўляемай тэхнікі з улікам апошніх распрацовак прадпрыемстваў "Белкамунмаш" і "Штадлер Мінск".
Прэм'ер-міністр падкрэсліў, што Беларусь зацікаўлена ў развіцці супрацоўніцтва з Масквой у сферы будаўніцтва. На яго думку, работа беларускіх архітэктараў і праекціроўшчыкаў пойдзе толькі на карысць разнапланаваму абліччу расійскай сталіцы.
У сваю чаргу Сяргей Сабянін падзякаваў беларускаму боку за пастаўкі прадуктаў харчавання, тэхнікі. Паводле яго слоў, Маскву і Мінск звязваюць вялікая гісторыя ўзаемаадносін, узаемнае пранікненне эканомік. Для Масквы Беларусь з'яўляецца адным з галоўных партнёраў, падкрэсліў Сяргей Сабянін. Ён адзначыў, што, нягледзячы на зніжэнне тавараабароту паміж Беларуссю і Масквой у грашовым выражэнні, у фізічных аб'ёмах ён павялічваецца, і ў першую чаргу гэта датычыцца харчовай групы тавараў.
версія для друку
зрабіць стартавай
дабавіць у выбранае