Бізнес-навіны

Беларусь і кітайскі Ляньюньган абмеркавалі нарошчванне паставак прадуктаў харчавання

Фота Генеральнага консульства Рэспублікі Беларусь у Шанхаі

4 красавіка, Мінск /Кар. БЕЛТА/. У Генеральным консульстве Беларусі ў Шанхаі прайшлі перагаворы генеральнага консула Андрэя Андрэева з дэлегацыяй дзелавых колаў горада Ляньюньган правінцыі Цзянсу. Аб гэтым карэспандэнту БЕЛТА расказалі ў беларускай загранустанове.

У складзе кітайскай дэлегацыі на чале з кіраўніком аддзялення Ляньюньганскага прадстаўніцтва Кітайскага савета па садзейнічанні міжнароднаму гандлю (Гандлёва-прамысловая палата КНР) Пін Хаашэнам у перагаворах прынялі ўдзел прадстаўнікі буйных мясцовых кампаній-імпарцёраў.

Бакі абмеркавалі шляхі нарошчвання паставак у Кітай ялавічыны, кураціны, напіткаў і іншых прадуктаў харчавання.

У час сустрэчы дасягнута дамоўленасць аб арганізацыі візіту дзелавых колаў правінцыі Цзянсу ў Рэспубліку Беларусь для азнаямлення з вытворчым і экспартным патэнцыялам вытворцаў, абмеркавання пытанняў развіцця супрацоўніцтва.

версія для друку

зрабіць стартавай

дабавіць у выбранае