Бізнес-навіны
Беларусь і Кітай будуць развіваць супрацоўніцтва і ўзаемную дапамогу ў мытных справах
7 мая, Мінск /Кар. БЕЛТА/. Міжурадавае пагадненне Беларусі і Кітая аб супрацоўніцтве і ўзаемнай дапамозе ў мытных справах плануецца падпісаць у Мінску ў час візіту дэлегацыі Галоўнага мытнага ўпраўлення Кітайскай Народнай Рэспублікі. Аб гэтым БЕЛТА паведамілі ў прэс-службе ДМК.
З 8 па 11 мая Беларусь наведае дэлегацыя Галоўнага мытнага ўпраўлення Кітая на чале з дырэктарам (міністрам) Юй Гуанчжоў. Галоўная мэта візіту - падпісанне пагаднення паміж урадам Беларусі і ўрадам КНР аб супрацоўніцтве і ўзаемнай дапамозе ў мытных справах, а таксама абмеркаванне пытанняў двухбаковага супрацоўніцтва, адзначылі ў прэс-службе.
Праект пагаднення прадугледжвае магчымасць абмену інфармацыяй для забеспячэння належнага прымянення мытнага заканадаўства, дакладнага вылічэння і спагнання мытных пошлін, падаткаў, уключаючы ўсю адпаведную інфармацыю, якая датычыцца дзеянняў, што могуць прывесці да парушэнняў мытнага заканадаўства. Заключэнне пагаднення паслужыць для выканання такіх задач, як барацьба з кантрабандай і адміністрацыйнымі мытнымі правапарушэннямі.
Запланавана двухбаковая сустрэча з Юй Гуанчжоу старшыні Дзяржаўнага мытнага камітэта Беларусі Юрыя Сянько, у час якой пройдзе абмеркаванне найбольш актуальных пытанняў двухбаковага супрацоўніцтва ў сферы барацьбы з кантрабандай наркатычных сродкаў, моцнадзейных псіхатропных рэчываў і іх прэкурсораў, спрашчэння мытных працэдур, а таксама абмену вопытам па практычных аспектах прымянення сістэмы кіравання рызыкамі.
версія для друку
зрабіць стартавай
дабавіць у выбранае