Бізнес-навіны
Беларусь і Кітай абмяркуюць стварэнне СП па вытворчасці ялавічыны
Фота Pixabay
23 жніўня, Мінск /Кар. БЕЛТА/. Беларусь і Кітай абмяркуюць стварэнне сумесных прадпрыемстваў па вытворчасці ялавічыны, паведаміў карэспандэнту БЕЛТА міністр сельскай гаспадаркі і харчавання Леанід Заяц.
"Мы ў панядзелак вылятаем у Кітай на перагаворы з прадстаўнікамі COFCO Engineering & Technology, CITIC Group і іншых кампаній. Трэба ўрэгуляваць некаторыя моманты, каб можна было больш стабільна і шырокамаштабна пастаўляць беларускую прадукцыю на кітайскі рынак. Ёсць пытанні, якія патрабуюць нашага ўмяшання. Іх трэба вырашаць на ўзроўні буйнейшых кампаній аграбізнесу Кітая. Плануем абмеркаваць стварэнне сумесных прадпрыемстваў па вытворчасці ялавічыны на тэрыторыі Беларусі", - сказаў Леанід Заяц.
Як паведамлялася, намеснік прэм'ер-міністра Беларусі Міхаіл Русы заявіў, што Беларусь плануе развіваць супрацоўніцтва з кітайскай карпарацыяй CITIC Group у галіне сельскай гаспадаркі. Кітайскім партнёрам прапанавана некалькі магчымых сумесных праектаў.
версія для друку
зрабіць стартавай
дабавіць у выбранае