Бізнес-навіны

Беларусь і Бурація маюць намер развіваць супрацоўніцтва ў сферы прамысловасці і сельскай гаспадаркі

Фота з архiва

17 мая, Мінск /Кар. БЕЛТА/. Беларусь і Бурація маюць намер развіваць супрацоўніцтва ў сферы прамысловасці і сельскай гаспадаркі. Аб гэтым расказаў старшыня Дзяржаўнага камітэта па навуцы і тэхналогіях Сяргей Шлычкоў, перадае карэспандэнт БЕЛТА.

Старшыня ДКНТ адзначыў важнасць беларуска-расійскага ўзаемадзеяння ў галіне гандлёва-эканамічных, навукова-тэхнічных і сацыяльна-культурных адносін. "Разам з прадстаўнікамі Бураціі нам трэба будзе намеціць прыярытэтныя агульныя інтарэсы ў сферы прамысловасці, сельскай гаспадаркі, аховы здароўя, навукі, інавацый, выставачна-кірмашовай дзейнасці і іншых напрамкаў, - расказаў Сяргей Шлычкоў. - Праграма знаходжання дэлегацыі Бураціі даволі напружаная. Увесь дзень распісаны літаральна па мінутах. У час візіту мы запланавалі наведванне нашых прамысловых гігантаў - МТЗ і МАЗ. Акрамя гэтага частка прадстаўнікоў пажадала наведаць Міністэрства спорту і турызму, а таксама Міністэрства аховы здароўя. Задумваемся аб тым, каб уключыць і іншыя аб'екты ў нашу азнаямленчую праграму. Асобна трэба адзначыць удзел прадстаўнікоў Бураціі ў міжнародным форуме-выстаўцы дзелавых кантактаў "Брэст-2022".

Па выніках 2021 года тавараабарот Беларусі і Бураціі склаў $8,7 млн. Экспарт тавараў у Бурацію ажыццяўляўся па 77 таварных пазіцыях, сярод якіх машынабудаванне і прадукты харчавання.

версія для друку

зрабіць стартавай

дабавіць у выбранае