Бізнес-навіны
Беларусь і Бразілія зацікаўлены ствараць СП па вытворчасці тэхнікі
4 красавіка, Мінск /Кар. БЕЛТА/. Стварэнне сумесных прадпрыемстваў па вытворчасці тэхнікі было ў ліку асноўных напрамкаў двухбаковага супрацоўніцтва ў час сустрэчы Надзвычайнага і Паўнамоцнага Пасла Беларусі ў Бразіліі Леаніда Крупца з дэлегацыяй членаў урада бразільскага штата Таканцінс. Аб гэтым БЕЛТА паведамілі ў прэс-службе МЗС Беларусі.
Леанід Крупец прэзентаваў прадстаўнікам урада штата Таканцінс гандлёва-прамысловыя і інвестыцыйныя магчымасці Беларусі. "Бакі выдзелілі асноўныя напрамкі, у развіцці супрацоўніцтва па якіх найбольш зацікаўлены Беларусь і штат Таканцінс. Сярод іх былі названы пастаўкі беларускіх калійных угнаенняў і трактароў у Бразілію, стварэнне сумесных прадпрыемстваў па вытворчасці тэхнікі, імпарт у Беларусь бразільскай скураной сыравіны, а таксама навучанне бразільскіх студэнтаў у беларускіх вышэйшых навучальных установах", - праінфармавалі ў МЗС.
Удзельнікі сустрэчы падкрэслілі зацікаўленасць Беларусі і Бразіліі ў развіцці міжрэгіянальнага супрацоўніцтва і турыстычнага абмену. Бакі таксама абмяняліся прапановамі па правядзенні паездкі пасла Беларусі ў штат Таканцінс
версія для друку
зрабіць стартавай
дабавіць у выбранае