Бізнес-навіны

БЧ будзе развіваць супрацоўніцтва з кітайскай дзяржкарпарацыяй Jiangsu Suzhou Port Group

Фота з архiва

11 жніўня, Мінск /Кар. БЕЛТА/. Беларуская чыгунка будзе развіваць супрацоўніцтва з кітайскай дзяржкарпарацыяй Jiangsu Suzhou Port Group Co., Ltd, паведамілі БЕЛТА ў прэс-цэнтры БЧ.

Адбылася рабочая сустрэча кіраўніцтва Беларускай чыгункі з прадстаўнікамі кітайскай правінцыі Цзянсу. Мерапрыемства прайшло ва Упраўленні БЧ. З беларускага боку ў ім прынялі ўдзел начальнік БЧ Уладзімір Марозаў, кіраўніцтва профільных службаў беларускай магістралі і дзяржаўнага прадпрыемства "БГЛЦ".

Дэлегацыю правінцыі Цзянсу КНР прадставілі прэзідэнт дзяржкарпарацыі Jiangsu Suzhou Port Group Co., Ltd У Хун, дырэктар камерцыйнага Дэпартамента ўрада Шанхая, кіраўнік ініцыятыўнай групы па развіцці супрацоўніцтва паміж Беларуссю і КНР Ма Шы Цзэ і генеральны дырэктар Suzhou Commodity Electronic Trading Center Co., Ltd Юэ Сун.

У час сустрэчы бакі абмеркавалі супрацоўніцтва БЧ з дзяржкарпарцыяй Jiangsu Suzhou Port Group Co., Ltd па пытаннях стварэння для беларускіх грузаўладальнікаў новых устойлівых транспартна-лагістычных каналаў для дастаўкі грузаў з Беларусі ў Кітай і назад. Бакі дэталёва прапрацуюць магчымасці выкарыстання як сухапутных, так і камбінаваных маршрутаў з задзейнічаннем інфраструктуры марскіх партоў Расійскай Федэрацыі.

версія для друку

зрабіць стартавай

дабавіць у выбранае