Бізнес-навіны
Башкортастан зацікаўлены ў павелічэнні паставак беларускай тэхнікі
11 красавіка, Мінск /Кар. БЕЛТА/.
Тавараабарот Беларусі і
Башкортастана ў 2017 годзе дасягнуў $520,3 млн і ў параўнанні з 2016 годам павялічыўся на 39,7 працэнта. Як растлумачыў журналістам сустаршыня рабочай групы з беларускага боку, старшыня канцэрна "Белнафтахім" Ігар Ляшэнка, Беларусь атрымлівала з Башкортастана нафту і нафтапрадукты, іншыя хімічныя прадукты, што дало магчымасць канцэрну стабільна працаваць у мінулым годзе."Пытанні, якія будуць абмяркоўвацца сёння, - гэта развіццё далейшай зборкі трактароў ужо больш высокай магутнасці, выкарыстанне пляцоўкі Башкортастана для тэхнікі "Амкадор". Па нафтахіміі - мы пакуль з'яўляемся атрымальнікам з Башкортастана сыравінных рэсурсаў, што датычыцца сумесных праектаў, гэта пакуль у нас у стадыі прапрацоўкі", - дадаў Ігар Ляшэнка. Магчымыя праекты ў нафтахіміі плануецца абмеркаваць у маі ва Уфе на палях выстаўкі "Нафта. Газ. Тэхналогіі".
Намеснік прэм'ер-міністра ўрада - міністр зямельных і маёмасных адносін Башкортастана Яўген Гур'еў, які з'яўляецца сустаршынёй рабочай групы з расійскага боку, дадаў, што ў ходзе цяперашняга візіту ўжо дасягнуты дамоўленасці, якія датычацца супрацоўніцтва ў сельскай гаспадарцы, узаемадзеяння ў частцы пастаўкі тэхнікі "Амкадор", выкарыстання прарыўных беларускіх тэхналогій у дарожным будаўніцтве.
Беларусь і Башкортастан рыхтуюць новы план мерапрыемстваў па гандлёвым і культурным супрацоўніцтве на 2019-2021 гады. Плануецца, што ён будзе падпісаны на Форуме рэгіёнаў Беларусі і Расіі, які пройдзе ў верасні ў Магілёве.
У праграме візіту дэлегацыі Башкортастана 9-12 красавіка ў Беларусь - наведванне холдынга "Амкадор", ААТ
"Белдзіпрадар", Рэспубліканскага ляснога селекцыйна-насенняводчага цэнтра, РА "Белаграсэрвіс", ТАА "Запаграмаш". Адбыліся перагаворы з прадстаўнікамі Міністэрства сельскай гаспадаркі і харчавання, Міністэрства транспарту і камунікацый, канцэрна "Белнафтахім".
версія для друку
зрабіць стартавай
дабавіць у выбранае