Бізнес-навіны

Банк развіцця прафінансаваў 3 тыс. праектаў па праграме падтрымкі МСП

25 сакавіка, Мінск /Кар. БЕЛТА/. Банк развіцця Беларусі з 2014 года прафінансаваў 3 тыс. праектаў па праграме падтрымкі малога і сярэдняга прадпрымальніцтва, паведаміў старшыня праўлення Банка развіцця Андрэй Жышкевіч у інтэрв'ю праграме "Галоўны эфір" на тэлеканале "Беларусь 1", паведамляе БЕЛТА.

Андрэй Жышкевіч звярнуў увагу, што Банк развіцця сканцэнтраваны не толькі на крэдытаванні дзяржпраграм - адным з базавых напрамкаў яго работы застаецца падтрымка малога і сярэдняга прадпрымальніцтва. Адпаведная праграма працуе з 2014 года. "Крэдытны партфель перасягнуў $400 млн сукупнага аб'ёму крэдытавання, які Банк развіцця прадаставіў сваім банкам-партнёрам, 3 тыс. прадпрымальнікаў у канчатковым выніку за кошт сродкаў Банка развіцця рэалізавалі свае праекты", - расказаў ён.

Гаворачы ў цэлым аб планах на 2019 год, Андрэй Жышкевіч выказаў меркаванне, што Банк развіцця павінен дапамагчы ў стварэнні інструментаў, якіх цяпер пакуль няма ў краіне. "Гэта тыя ж самыя інвестыцыйныя фонды, падтрымка інфраструктуры венчурнага фінансавання", - растлумачыў Андрэй Жышкевіч. Паводле яго ацэнкі, Банк развіцця як буйны фінансавы інстытут здольны зрабіць першыя крокі ў гэтым напрамку, сфарміраваць рынак для прыходу на яго іншых ігракоў.

версія для друку

зрабіць стартавай

дабавіць у выбранае