Бізнес-навіны

Банк развіцця плануе прафінансаваць праекты МСП на Br200 млн

27 лютага, Мінск /Кар. БЕЛТА/. Банк развіцця плануе ў 2019 годзе прафінансаваць праекты малога і сярэдняга прадпрымальніцтва не менш як на Br200 млн, паведаміў сёння журналістам старшыня праўлення банка Андрэй Жышкевіч перад пасяджэннем Савета па развіцці прадпрымальніцтва, перадае карэспандэнт БЕЛТА.

Банк развіцця ўжо больш за чатыры гады рэалізуе праграму пашырэння доступу суб'ектаў МСП да крэдытных рэсурсаў. Інструментамі падтрымкі выступаюць прадастаўленне крэдытаў і фінансавая арэнда (лізінг), якія могуць выкарыстоўвацца для рэалізацыі праектаў на розных стадыях развіцця бізнесу. Фінансавая падтрымка суб'ектаў МСП магчыма практычна на ўсёй тэрыторыі Беларусі дзякуючы разгалінаванай філіяльнай сетцы банкаў-партнёраў, а таксама каналам прадастаўлення паслуг лізінгавымі арганізацыямі. "Гэта вельмі запатрабаваны прадукт. У мінулым годзе было асвоена каля Br200 млн, у гэтым годзе ставім сабе задачу прадаставіць аб'ём не меншы. Брэсцкая і Гродзенская вобласці - самыя актыўныя рэгіёны ў гэтых адносінах, а з боку Віцебскай, Магілёўскай абласцей мы хацелі б большай актыўнасці", - сказаў Андрэй Жышкевіч.

Праводзілася работа па актуалізацыі ўказа нумар 261, які вызначае функцыянал Банка развіцця. "Падрыхтаваны змяненні, якія цяпер знаходзяцца на міжведамасным узгадненні. Там заяўлены новыя функцыі Банка развіцця, якія павінны прыйсці на змену дырэктыўнаму крэдытаванню", - адзначыў старшыня праўлення банка.

версія для друку

зрабіць стартавай

дабавіць у выбранае