Бізнес-навіны

"Гэты мемарандум сапраўды вельмі важны, паколькі ўпершыню ў гісторыі Беларусі ПРААН падпісвае афіцыйны дакумент з фінансавым інстытутам. Банк развіцця некалькі гадоў таму падключыўся да падтрымкі малога і сярэдняга бізнесу, мы зрабілі першыя крокі. Цяпер сумесна з ПРААН мы гэту работу прадоўжым", - падкрэсліў старшыня праўлення Банка развіцця Сяргей Румас.

Новы фармат супрацоўніцтва паміж ПРААН і Банкам развіцця прадугледжвае суфінансаванне ініцыятыў, накіраваных на стымуляванне мясцовага і рэгіянальнага эканамічнага развіцця. Гэтыя ініцыятывы будуць накіраваны на стварэнне дадатковых рабочых месц у малых і сярэдніх гарадах, стымуляванне развіцця малога і сярэдняга бізнесу і сацыяльна арыентаванага прадпрымальніцтва, у тым ліку жаночага прадпрымальніцтва.