Бізнес-навіны

Банк развіцця ў 2020 годзе накіраваў на падтрымку МСП Br268 млн

Фота з архiва

15 студзеня, Мінск /Кар. БЕЛТА/. Банк развіцця Беларусі ў 2020 годзе накіраваў на падтрымку малога і сярэдняга прадпрымальніцтва Br268 млн, паведамілі БЕЛТА ў прэс-службе банка.

Усяго прафінансавана 1168 праектаў. Найбольшую долю ў партфелі падтрымкі МСП займаюць праекты, звязаныя з вытворчай дзейнасцю, - 37,4 працэнта. Размова ідзе аб вытворчасці святлотэхнічнай прадукцыі, аконных і дзвярных блокаў, драўляных будаўнічых канструкцый, кансерваванай прадукцыі. На праекты ў сферы транспарту прыпала 21,3 працэнта фінансавання, праекты ў сферы паслуг - 10,6 працэнта. 67 працэнтаў кліентаў - гэта мікрабізнес і індывідуальныя прадпрымальнікі.

Геаграфія фінансавання ахоплівае практычна ўсю тэрыторыю Беларусі за кошт разгалінаванай сеткі банкаў-партнёраў, якія ўдзельнічаюць у праграме фінансавай падтрымкі суб'ектаў малога і сярэдняга прадпрымальніцтва. Лідзіруючую пазіцыю па колькасці праектаў займаюць Гродзенская, Брэсцкая і Віцебская вобласці.

Паводле даных на 1 студзеня 2021 года, з пачатку дзеяння праграмы (жнівень 2014 года) прафінансавана 5016 праектаў, агульны аб'ём заключаных крэдытных дагавораў і дагавораў фінансавай арэнды (лізінгу) склаў Br811,3 млн у эквіваленце. Агульны кошт праектаў, прафінансаваных за кошт рэсурсаў Банка развіцця, склаў каля Br1373,1 млн.

версія для друку

зрабіць стартавай

дабавіць у выбранае