Бізнес-навіны
Астраханская вобласць зацікаўлена ў малагабарытнай тэхніцы BELARUS
Фота з сайта прадпрыемства
29 жніўня, Мінск /Кар. БЕЛТА/. Астраханская вобласць зацікаўлена ў малагабарытнай тэхніцы BELARUS. Аб гэтым ішла размова сёння ў час сустрэчы губернатара рэгіёна Аляксандра Жылкіна з кіраўніцтвам Мінскага трактарнага завода, паведамілі БЕЛТА на прадпрыемстве.
Дэлегацыя Астраханскай вобласці наведала прадпрыемства ў ходзе афіцыйнага візіту ў Беларусь. Госці азнаёміліся з лінейкай тэхнікі завода.
Мінскі трактарны завод прадстаўлены ў Астраханскай вобласці ТАА "ГД МТЗ - Стаўрапаль". Як адзначыў в. а. намесніка генеральнага дырэктара МТЗ па маркетынгу - маркетынг-дырэктара Юрый Пататурка, праект паспяхова развіваецца не толькі з дапамогай продажаў тэхнікі, але і праз якаснае гарантыйнае абслугоўванне, забеспячэнне паставак запасных частак. "Мы настроены пашыраць наша супрацоўніцтва і спадзяёмся, што яно будзе паспяховым для абодвух бакоў", - сказаў ён.
Завод працуе з 1946 года, гэта адзін з буйнейшых вытворцаў сельскагаспадарчай тэхнікі не толькі ў краінах СНД, але і ў свеце. Беларускія трактары працуюць у 150 краінах. У 2017 годзе МТЗ павялічыў экспарт на 26 працэнтаў да $561 млн.
Фота з сайта прадпрыемства
версія для друку
зрабіць стартавай
дабавіць у выбранае