Бізнес-навіны
Асноўнае абсталяванне для Беларускай АЭС плануецца паставіць у 2016-2017 гадах
24 мая, Мінск /Кар. БЕЛТА/. Асноўнае абсталяванне для будаўніцтва Беларускай АЭС плануецца паставіць у 2016-2017 гадах, паведаміў у інтэрв'ю БЕЛТА міністр энергетыкі Беларусі Уладзімір Патупчык.
"Сёння будаўніцтва абодвух энергаблокаў Беларускай АЭС ідзе па графіку, прадугледжаным генеральным кантрактам, на ўзвядзенні станцыі ў Астраўцы працуюць амаль 5 тыс. будаўнікоў. У гэтым годзе па кантракце плануецца асвоіць 15,7 млрд расійскіх рублёў, што ў 1,4 раза больш, чым у 2015-м", - расказаў Уладзімір Патупчык.
На гэты год намечаны ключавыя падзеі па будаўніцтве першага энергаблока: пачатак мантажу корпуса ядзернага рэактара, турбіны, парагенератараў, электратэхнічнага абсталявання, зваркі галоўнага цыркуляцыйнага трубаправода. На другім энергаблоку будуць прадоўжаны работы па ўзвядзенні асноўных будынкаў і збудаванняў.
версія для друку
зрабіць стартавай
дабавіць у выбранае