Бізнес-навіны

АПК, лясная гаспадарка, пастаўкі беларускай тэхнікі. Якія тэмы абмеркаваў Крутой у Валагодскай вобласці

Фота з Telegram-канала губернатара Валагодскай вобласці Алега Куўшыннікава

5 кастрычніка, Масква /Эдуард Півавар - БЕЛТА/. Пасол Беларусі ў Расіі Дзмітрый Крутой 4-5 кастрычніка наведвае з рабочым візітам Валагодскую вобласць, паведамілі БЕЛТА ў прэс-службе дыппрадстаўніцтва.

"У час сустрэчы з губернатарам расійскага рэгіёна Алегам Куўшыннікавым абмеркавалі пытанні стану і перспектыў развіцця супрацоўніцтва ў большасці сфер: ад традыцыйных паставак з Беларусі сельскагаспадарчай тэхнікі і зернесушыльных комплексаў, насеннага матэрыялу да вытворчасці камбікармоў з выкарыстаннем перадавых беларускіх тэхналогій, удзелу ў праграмах лесанарыхтоўкі і лесааднаўлення з прымяненнем тэхнікі беларускай вытворчасці, - расказалі ў прэс-службе. - Не абмінулі ўдзельнікі сустрэчы і пытанні пашырэння двухбаковага ўзаемадзеяння з удзелам аднаго з расійскіх флагманаў ліцейнай вытворчасці - Чарапавецкага ліцейна-механічнага завода. Але, як аказалася, не толькі сталявары, але і многія іншыя прамысловыя прадпрыемствы Валагодчыны зацікаўлены ў прадукцыі беларускіх станкабудаўнічых прадпрыемстваў".

Дзмітрый Крутой і Алег Куўшыннікаў разгледзелі таксама перспектывы пашырэння ўзаемадзеяння ў сферы турызму, у тым ліку ў мэтах павелічэння загрузкі прамога авіярэйса Мінск-Чарапавец.

"На сустрэчы з выконваючым абавязкі мэра Волагды Сяргеем Бурковым Дзмітрый Крутой абмеркаваў актуальныя для любога расійскага горада пытанні пастаўкі камунальнай тэхнікі і ліфтавага абсталявання. Беларуская прадукцыя даўно вядома і добра зарэкамендавала сябе ў гэтым рэгіёне. Гатовы і далей абмяркоўваць задавольванне ўзрастаючых патрэб, запэўніў пасол. Волагда актыўна ўзаемадзейнічае з беларускімі партнёрамі з Магілёва, Гродна і Мінска. Гарадскія службы Волагды вывучаюць беларускі перадавы вопыт у сферы ЖКГ. Беларусы традыцыйна ўдзельнічаюць у выставачна-кірмашовых мерапрыемствах Валагодскай вобласці", - адзначылі ў пасольстве.

У ходзе візіту Дзмітрый Крутой таксама наведаў Валагодскую дзяржаўную малочнагаспадарчую акадэмію, на базе якой дзейнічае спецыялізаваная вучэбная аўдыторыя ААТ "МТЗ".

версія для друку

зрабіць стартавай

дабавіць у выбранае