Бізнес-навіны

Амурская вобласць зацікаўлена ў стварэнні мультыбрэндавага цэнтра прадукцыі машынабудавання Беларусі

24 ліпеня, Мінск /Кар. БЕЛТА/. Амурская вобласць зацікаўлена ў стварэнні мультыбрэндавага цэнтра прадукцыі машынабудавання Беларусі. Аб гэтым заявіў журналістам намеснік старшыні ўрада Амурскай вобласці - міністр сельскай гаспадаркі Алег Туркоў па выніках сумеснага пасяджэння рабочай групы па развіцці супрацоўніцтва паміж Беларуссю і Амурскай вобласцю РФ, перадае карэспандэнт БЕЛТА.

"Мы правялі плённае пасяджэнне сумеснай рабочай групы, на якім падвялі вынікі нашай работы за папярэдні год, намецілі планы і задачы па сумесным супрацоўніцтве на наступныя гады. Гэтыя задачы нам паставілі Прэзідэнт Беларусі і губернатар Амурскай вобласці", - адзначыў Алег Туркоў.

Паводле яго слоў, дадаткова па ўсіх напрамках ёсць канкрэтныя прапановы, якія павінны ўвасобіцца ў жыццё, у прыватнасці ў сферы культурнага і спартыўнага абмену.

"Ёсць задачы па павелічэнні аб'ёмаў пастаўкі сельскагаспадарчай тэхнікі, тэхнікі для лесапрамысловага комплексу, горназдабыўной і жыллёва-камунальнай гаспадаркі. Беларусь мае вялізны патэнцыял і магчымасці задаволіць нашы патрэбнасці", - падкрэсліў міністр сельскай гаспадаркі Амурскай вобласці.

Акрамя таго, паводле яго слоў, прынята стратэгічнае рашэнне па стварэнні на тэрыторыі Амурскай вобласці мультыбрэндавага цэнтра па продажы і сэрвісе ўсёй лінейкі тэхнікі машынабудаўнічых прадпрыемстваў Беларусі. "Хочам стварыць паўнацэнны гандлёвы цэнтр, які будзе без пасрэднікаў пастаўляць якасную прадукцыю па ўсіх напрамках для яе рэалізацыі не толькі на тэрыторыі Далёкага Усходу, але ў тым ліку для экспарту ў Кітай. Адзначу, што Беларусь вырабляе смачную, экалагічную і карысную харчовую прадукцыю. Будзем разам працаваць, у нас вялізныя перспектывы для далейшага супрацоўніцтва", - рэзюмаваў Алег Туркоў.

версія для друку

зрабіць стартавай

дабавіць у выбранае