Бізнес-навіны

"АМКАДОР" прэзентуе лясныя машыны на спецыялізаванай выстаўцы ў Пермі

18 верасня, Мінск /Кар. БЕЛТА/. 18-19 верасня ў кангрэсна-выставачным цэнтры "Перм Экспа" праходзіць спецыялізаваная выстаўка "ЛесПермЭкспа-2024", у рамках якой прадстаўлены і лясныя машыны "АМКАДОР", паведамілі БЕЛТА ў холдынгу.

Гэта значная галіновая падзея сабрала вядучых пастаўшчыкоў і вытворцаў лясной прадукцыі, тэхналогій і абсталявання з усёй Расіі і краін блізкага замежжа.

На выставачнай пляцоўцы холдынг "АМКАДОР" сумесна з ТАА "СКАТ", афіцыйным дылерам у Пермскім краі, прадставілі харвестары AMKODOR FН840 і AMKODOR FН3061, а таксама форвардары AMKODOR FF560 і AMKODOR FF1461.

"Гэтыя машыны распрацаваны для работы ў складаных прыродных умовах і здольныя выконваць шырокі спектр задач у лясной галіне. Харвестары выконваюць комплексныя задачы па валцы, абрэзцы і распілоўцы драўніны, а форвардары забяспечваюць яе транспарціроўку з месцаў нарыхтоўкі. Мадэлі вызначаюцца павышанай прадукцыйнасцю і надзейнасцю, што робіць іх запатрабаванымі на рынку", - растлумачылі ў прэс-службе прадпрыемства.

Губернатар Пермскага края Расійскай Федэрацыі Дзмітрый Махонін асабіста азнаёміўся з прадстаўленай на выстаўцы лясной тэхнікай і ацаніў яе якасць.

Выстаўка "ЛесПермЭкспа" з'яўляецца важнай пляцоўкай для абмеркавання ключавых пытанняў развіцця лясной гаспадаркі, укаранення сучасных тэхналогій і абсталявання. Наведвальнікі стэнда холдынгу могуць асабіста пераканацца ў высокай якасці і надзейнасці тэхнікі, задаць пытанні, якія цікавяць, прадстаўнікам кампаніі і атрымаць актуальную інфармацыю аб найноўшых распрацоўках.

версія для друку

зрабіць стартавай

дабавіць у выбранае