Бізнес-навіны

"АМКАДОР" прадставіў тэхніку на выстаўцы "Дарога-2022" у Казані

Фота amkodor.by

17 кастрычніка, Мінск /Кар. БЕЛТА/. "АМКАДОР" прадставіў тэхніку на Х Міжнароднай спецыялізаванай выстаўцы "Дарога-2022" у Казані, паведамілі ў прэс-службе прадпрыемства.

На працягу трох дзён удзельнікам выстаўкі была прадастаўлена бесперашкодная магчымасць лепш азнаёміцца з машынамі, што вырабляюцца на прадпрыемствах холдынга. Увазе былі прадстаўлены такія мадэлі машын, як універсальны пагрузчык AMKODOR 342C4, дарожны каток AMKODOR RT-140A, аўтагрэйдар AMKODOR G160.

Міжнародная спецыялізаваная выстаўка "Дарога" - гэта буйнейшае мерапрыемства дарожнай галіны, што прадастаўляе пляцоўку для ўзаемадзеяння ўсіх удзельнікаў транспартнай сферы. Яна традыцыйна праводзіцца напярэдадні Дня работнікаў дарожнай гаспадаркі пры падтрымцы Міністэрства транспарту Расійскай Федэрацыі. У гэтым годзе выстаўка-форум прайшла ў рэспубліцы Татарстан у міжнародным выставачным цэнтры "Казань Экспа", дзе прыняў удзел дылер па рэалізацыі будаўнічых, камунальных і лясных машын ТАА "АМКАДОР-Бел".

ААТ "Амкадор" - кіруючая кампанія холдынга" створана ў 1927 годзе. Прадпрыемства вырабляе больш за 130 мадэлей і мадыфікацый спецыяльнай і сельскагаспадарчай тэхнікі. У складзе холдынга - 29 юрыдычных асоб, 22 заводы, якія выпускаюць больш за 6,5 тыс. найменняў таварнай прадукцыі. Колькасць супрацоўнікаў перавышае 7 тыс. Усе прадпрыемствы холдынга інтэграваны ў адзіны тэхналагічны ланцуг. Кожны ўдзельнік спецыялізуецца на выпуску канкрэтных машын, вузлоў і агрэгатаў для ўсіх прадпрыемстваў кампаніі. У холдынгу пастаянна распрацоўваюць новыя мадэлі тэхнікі і ўдасканальваюць існуючыя.

версія для друку

зрабіць стартавай

дабавіць у выбранае