Бізнес-навіны

"Амкадор" і "Расагралізінг" падпісалі пагадненне аб супрацоўніцтве

Фота amkodor.by

16 чэрвеня, Мінск /Кар. БЕЛТА/. ААТ "Амкадор" - кіруючая кампанія холдынга" і АТ "Расагралізінг" заключылі сёння пагадненне аб доўгачасовым стратэгічным супрацоўніцтве, паведамілі БЕЛТА ў прэс-службе прадпрыемства.

Пагадненне накіравана на развіццё рынку тэхнікі спецыяльнага прызначэння Саюзнай дзяржавы з выкарыстаннем фінансавых інструментаў лізінгу, у прыватнасці для рэалізацыі прадукцыі, якая выпускаецца холдынгам "Амкадор". "Пагадненне будзе садзейнічаць задавальненню рэальнага спажывецкага попыту ў РФ на машыны "Амкадор", у тым ліку і за кошт узаемнага абмену інфармацыяй як аб запатрабаваннях спажыўцоў спецыяльнай тэхнікі, так і аб тэхніка-эканамічных і канкурэнтных перавагах машын холдынга", - падкрэслілі ў прэс-службе.

ААТ "Амкадор" - кіруючая кампанія холдынга" заснавана ў 1927 годзе. Тут вырабляюць 125 мадэлей і мадыфікацый тэхнікі без уліку варыянтаў апцыянальных камплектацый машын. Колькасць супрацоўнікаў перавышае 6 тыс. Усе прадпрыемствы холдынга інтэграваны ў адзіны тэхналагічны ланцуг. Кожны ўдзельнік спецыялізуецца на выпуску канкрэтных машын, вузлоў і агрэгатаў для ўсіх прадпрыемстваў кампаніі. У холдынгу пастаянна распрацоўваюць новыя мадэлі тэхнікі і ўдасканальваюць існуючыя.

версія для друку

зрабіць стартавай

дабавіць у выбранае